To Him

July 21, 2014 at 10:50am

             He  thu ziak hi i lo chhiar a nih chuan a ni chu i ta a ni ngei tawh a nga, a thinlung hmangaihna a khat chu nangmah ah a awm tawh avangin hmangaih leh duat tak a i ven him sak chu i mawh phurhna a ni tawh dawn a ni.
             A hmangaih em che avangin  a thinlung a hlan che a, chu chu rinawmna nen i vawn that sak ka phut che a. Phut let neilo  hmangaih biah thu i hlan chu a tan chuan chu  bak a thu ngaihnawm leh hlimawm a awm dawn chuang em ni.
             A lunglen chang leh a ngaih chang che chuan a reh em em anga, beiseina nen a nghak reng thin che tih i hre dawn nia. I ngaih let tam takin a ngai thin che tih hria la, rilru zau tak nen i ngaihthu hrilh nawn fo ang che.
             A dam loh changin nang chu a rilru a lang hmasa ber i ni anga, damna pe theilo mahla beiseina i pe thei tih hria la, duat takin a kut i vuan tlat zel dawn nia.
             Mihring famkim lo kan nih angin a ni pawn famkim lohna tam tak a nei ngei ang, a famkim lohna haiderin, famkimlohna chu famkimah chantir la, a hlim in hlim pui la, a lung ngaih changin i tang ah a bei theih nan leh in nghahna tlak i ni tih a hriat theih nan a bulah awmin thla muan tlat zel ang che.
             I bula a awm chuan naupang chhia ai pawn a naupang chhia zawk a nga, engtik lai pawn duat taka i kuang kuah a phut tlat tih hre nawn fo ang che.
            In in hmuh thiam loh changin ngawih chuh tlat lo la, rilru zau tak nen dawngsawng zawk thin la, be hmasa tu ni zawk fo thin ang che. Thik thu chhiatna hi hmangaihna a bet tlat a nih vangin i awmdan leh chezia ah fimkhur la, engtik lai pawn a tan khawvel i ni tih hriat nawn tir fo ang che.

            Rinawmna nen hlim taka hmangaihna thawnthu vawng nung zel turin ka duhsakna ka hlan a che u..
           

Bawiha...........

Ka chhiar zawh hma in ka Refresh palh...!?

July 17, 2014 at 11:47am

         Van khawzawl ah khawpui a ri dum dum a, tam vak si loin ruah mal a far keuh keuh bawk a, boruak tidai nuam tawk tur chauhin thlifim a thaw heuh heuh reng a.Chutia boruak nuam tak kara hun ka hman mek lai chuan tu tih hriat loh blog hi ka haichhuak nulh a, chu blog chu ka han bel chiang a thu leh hla tha tak tak chhiar tur a lo awm nual a, tichuan chung zing a ngaihnawm ber tur niawm a ka hriat chu ka han belchiang ta a.
        Thawnthu tawi tak sei tak ni siin hringnun kawng chu tihian a ziak ta a. Hringnun kawng chu nitin a kan zawh hi a ni, mi thenkhat tan a bumboh a, mi thenkhat tan a mam hle thung si, vawin a kan hun hman chu a tuk a tan chuan thawnthu a ni a, nimin chu vawin atan chuan lehkhabu thar la keu ngailoh thung a ni si. Nitin mai hian kawng thar chu  thawnthu a chang mai turin kan zawh mek zel a, a dik lawm hringnun a nih miau vangin beidawnna te, vanduaina te, inchhirna te, a chang phei chuan thih chak na khawp hial a hringnun hman, kan lei rah ngei a  thingthi a tap zawih zawih khawp a hun  hman changte pawh kan nei ang, amaherawh chu lehkha bu thar la keu ngai loh ka hma a keu tur a in chhawp kha hre ran in, tlu sawp tawh chu tho a, rilru thar nen nitin kan buatsaih a ngai a ni.
         Hringnun hian hlimna te, lawmna te, beiseina te  pawh a keng tel ve tho a, kan hlim lai leh lawm chang phei chuan khawvel hi ka ta bik emaw kan ti chang pawh a tam ve ang.Beidawn na khur beiseina khur a chang tir thei chu mi vanneih tak a ni a, vanduaina pawh vanneihna a chan tir thei tu chu a hlawh chham ngai lo ang. Mihring te hian dawhtheihna kan tla chham em em, kan suangtuahna duhawm tak te pawh te pawh suangtuah meidil ah kan tham ral tir leh mai thin, hei hian kan hringnun kan chhiar mek chu kan chhiar zawh hmain min refresh tir a, beidawnna khur ah bawk min hruai lut leh thin.
        Chutiang bawkin hmangaihna ah pawh a ni tho, nitin in mi thar hmel thar kan hmu a, kan hmangaih miah loh te pawh kan hmangaih emaw kan ti thin. A hmel mawiina duh vanga i lo hmangaih ta a nih pawn, hmangaihna a nilo ka tih sak ngam lo che a, a chhan chu engvang pawh ni se i hmangaih miau chuan hmangaihna dik tak a ni. In ngaihzawnna hian hlimna tam tak a thlen a, hmelma siam tu pawh a ni, ka thiannu in a ti thin.Rinawmna hian mi pakhatah min siam a, chu chuan hlimna tam tak pawh min pe thin. Chu hmangaihna chu rinawmna nen vawng u la, hmangaihna thawnthu duhawm tak chu i chhiar zawh hma loh refresh suh ang che u...:)