May 15, 2014 at 12:48pm
Tu emaw hi lo kalin ngaihzawng leh ngaih zawng danglamna min lo zawt
thut ta se, an danglamna em em sawi tur hrelo mah i la a danglam ve kha
maw tiin ka chhan mai ka ring.Tu pawh ngai i la, kan mi ngaih a chu kan
ngaihzawng a ni mai lo a mi? Min ngaihzawng dan leh ka ngaih zawng dan
feeling a zirin kan kan in ngaizawngin zawnglo, lo ni phawt mai teh se.Ni khat chu mahni a ina ka awm laiin, tihtur em em ka neih loh bawk nen thenawm te inah chuan len zai ka rel ta a.Kan thenawm te hi chhungkaw awm thei tak, in leh lo pawh Five star hotel nen a khai khin tham khawp a mawi leh nuam, sik leh sa danglam ve lohna hmun, keini ang tan chuan vanram tlafual ang mai, chutiang hmun a cheng chhungkau chu an ni.Tichuan kan in atang a inthlarung lo zet a ka zuan phei dawr dawr lai chuan an in chu reilo te ah ka lo thleng ta reng mai, door bell chu kan han hmet dawrh a, a ri hman emaw chu aw tih hma hian nula chhelo zet hian khawngkhar chu min lo hawn sak a, tawngkam mawi leh ngainatawm zet hian “I lo leng a ni maw, lo thu rawh thingpui ka lo lum sak ang che” a ti a, khawi lai tlangval polite deuh emaw ang a, ‘angai lo mai’ tih a han hnawl phalna chi zia zang a ni lo.
Chutia thingpui te kan in zawh hnu chuan an verandah swimming pool kamah chuan ti ti turin kan phei ta a.Dik tak chuan keini ang hi chu a ni ang fel leh chhelo zet tan chuan tukverh a han dah chhuah a engtik lai pawh a Pahnih pathum koh theih tur a awm reng ang vel hi kan ni,amaherawh chu an inngaitlawma, thian a ngaina in amah an in ti zahawm thiam em em a, kawm hreh leh i lo vel pawh nei hran lo,a tawk chauh a fiamthu duh leh mi biang biak thiam tak a ni.
Chutia hun kan hman mek lai chuan in ti zei zet hian “Are you made of cupper and terillium becoz you’re CUTE” ka va ti vei rawk a,thinrim tih dawn in a nui san bawk si a, a biang chu mawi tawk chauhin a rawn sen taaai deuh san san a, a ngawi hlen dawn maw tih naklai chuan “You are more special than relativity” a rawn ti thut mai chuh!!..sawi tur ka vai chiang kher mai.Ka rilru te te chuan “Even if there were no gravity on Earth, I'd still fall for you!” ti pah chuan nui chhuak chuang si loin ka thinlung chu force tel miah loin a khi vur vur a. Tlangval tamtak ang tho in, ama hriat si lohin a zunna chuan Foucault pendulum iangin ka uai nitin zantin ta a...
Science deuh taka kawm ka tum chu ka ti sual nge ka tifuh pawh ka hrelo, a ni science lam a tui mi nghe nghe alo hre zawk daih si a rin aiin a zei phian lehnghal a. Ka rilru te te chuan “Like the ideal vacuum,you're the only thing in my universe” tih mai ka duh a, chutiang sawi nan chuan a la hma deuh bawk si. Nui san chung hian a rawn trawng chhuak leh hlawl a“Oxygen leh potassium a vawihnih na tan an date kha I hria em?”tiin zawhna ni awmtak chu fiamthuin min zawt a, a ngaihna hrelo tak chuan “Hre miah lo,engthil nge thleng?” tiin kan zawt let keuh a, khi vur vur chung hian“It went OK2!!” tiin min chang a, kan hlim dun kher mai. A mipa zawk ngawihreng chu tiin chemical formula of Banana leh coffee chu kan zawt ve rawk a,rang em em hian BaNa2 leh CoFe2 tiin min chang a, tum vang hauh pawh ni lo in ka nui chhuak hlawl a. Hlim tak chuan kan ti ti dun bawrh bawrh a…………..
Amah ka ngainat em avang leh ka duh em avang chuan hmangaihna lam sawipui tral chu ka tum ta a, a bul tran nan tiin Silver Surfer leh Iron man te hi team khat ni ta se alloy an ni dawn a, keini pahnih hi team khat ni ve ta i la enge kan nih ve ang le? tih chu mawlmang tak chuan kan zawt ta hlawl a. Ka zawhna chu sawifiah ngailo in a hrethiam chiang kher mai, a ngawi deuh vung vung a, min hnawl ni chuang si loin, aw pawh ti chuang si lo in hun lo a la tih vang zawk nge ti hian min chhang ta a “Mass pahnih lian tak hi hnaih taka an kal dun chuan gravitational wave radiate tur a ngaih a ni a, I think that you're a big part of that” tiin. Centripetal emaw Centrifugal emaw ka kualna na chu chhuak zawng emaw lut zawng pawh nih rawh sek sek, a nunah eng emaw tak a hmun chang ve ni a kan hriatna chuan min tihlim leh lawi si a….Mahse mipa nge nge rilru a thu awm sawichhuah loh chu tiin “I'm attracted to you like the Earth is attracted to the Sun - with a large force inversely proportional to the distance squared” kan ti ta hlawl a, a awmzia phei chu ka hrethiam chuang hlei lo a……………….
(To be continued exam zawh ah)
