Kal mai teh

Vur tlang hlawm tha ve tak hi Freezer atang la chhuak ta la, chu vur tlang chu plate ah dah la, rei vak lo ah chu vur tlang chu i dahna a zirin a lo tui ang, Plate a tui chu freezer ah han dah leh ta la, a hma a vur tlang i lakchhuah shape anglo deuh khan i dahna a zirin shape mawi tak emaw, kawi ve zei zuai takin a lo khal leh ngei ang.
Kan khawvel hian 30km/s teh meuh a chakin 'Ni' khi a hual vel a, a vir kual dan a zir in chhun leh zan, thim leh eng kan tih te hi keini a chhung a chengte chuan kan thliar hrang thung. Tihian i ngaihtuah ve ngai em le, chhun kan tihte, zan kan tihte hi, vur khal, lo tui ta, dahkhal leh ang vel hi a ni tiin?!! Hei hi HUN kan ti chu a ni mai lawm ni?. Ni thar, Hun thar kan ti takna a, chu Ni thar Hun thar chu Ni in khawvel 'ngai' a chhun eng leh engloh ah lo in nghat ni rengin!.
Kan naupang lai chuan tihian kan zir thin " Hun hi  a ral lo a, kan bul leh chhehvel a mi te hi an ral zawk a ni" tiin. Khi vurtlang khi i buaina te, lungngaihna te, hlimna te i pe rawk ange, engti kawng zawng mahin a tui ral pui hauh lo ang, vur tlang a ni miau a, hun a ni lo, hun mil in vur tlang chu a lo tui ral zawk a, chu hun tak chu khing a chung a ka sawi tak te khi kan pe zawk tur a ni. Mahse hun a ral miau loh avangin, a chhehvel a mi lungngaihna te, hlimna te, buaina te khi vur tlang tui ral ta ang khian a lo tui ral ve anga, chutiang zelin i dahna leh i in ngahna, ngaihtuahna te pawh a ni ang chu, a zirin shape danglam leh mawi zawk ah a lo khal leh dawn a ni.
Kal mai teh tih  tawngkam hi tawngkam na tak, kan mi nel leh kawmngaih te bulah loh chuan kan hman ngam loh, tawngkam hlimawm tak si a ni thung. Hun hi nel takin kal mai teh han ti rawk teh, a kal mai mai lo ang, nangmah leh i bul vel a mi te an ral hma chu! Hun hi han kawmngaih viau mah i la, min kawmngaih ve teh chiam lo. Kan birthday te  kan han lawm a, hlim takin kan han nui dual dual a, a nihna takah chuan "Hun hian kal mai teh" min ti ah te ka ngai thin, nitin hian ka thih hun hi kan hnaih tial tial mai si a.
Hun kan sawi hnem ta khawp mai, he thu ho te i chhiar lai pawh khan i hun engemaw chen chu i khawhral a!(Eng tak rang ang maw)  uihawm ka tih pui khawp mai che, chuvang chuan i hun tha takin hmang ang che.
"Kal mai teh" tih tawngkam ka ngaihtuah chhuah hian lawm loh hian ka lo khi leh vur vur zel!!!!
HUN "Kal mai teh"

Awhile(Love)

I've been in love for awhile
For awhile i'm happy
I've been in love for awhile
For awhile you've my heart
I've been in love for awhile
For awhile i'm hurt
I've been in love for awhile
For awhile i feel like i'm suffocating
I've been in love for awhile
For awhile i've lost all my mind
I've been in love for awhile
For awhile everynight is sleepless night
I've been in love for awhile
For awhile i afraid to wake up
I've been in love for awhile
For awhile everything seems so strange
For i've been inlove with you
I've experienced this kind of love
Love that make me sad
Love that make me happy
Love that make me smile
Love that could possibly hurt me
Love, yes!! Everything was just for awhile.

Pavement Thickness Design (Group Index Method)

Pavement thickness kan tih hian Kan kawng neih te chhah zawng sawina a ni mai a, Kan kawng te hi a then a chhah em em laiin a then pan te te a siam a ni thung. Mi nawlpui chuan kawng that zawng chu a chhah dan a zirah ten kan ngai a, a dik na chen a awm rualin, kan mithiam zawk engineer te chuan heng kawng chhah zawng hi mumal takin an lo design thin a ni. Kawng chhah zawng (Pavement thickness) hi design dan hrang hrang a awm a, tunah erawh chuan Group Index Method in han zir chiang chhin phawt teh ang

GI = 0.2a + 0.005 a.c. + 0.01b.d

where,

a= percentage of soil passing 0.074 mm sieve in excess of 35 percent, not exceeding 75.

b= percentage of soil passing 0.074 mm sieve in excess of 15 percent, not exceeding 55.

c= Liquid limit in percent in excess of 40.

d= Plasticity index in excess of 10.

 Group Index kan tih hian kan sawi tum ber chu lei that zawng leh chhiat zawng kan teh na ti mai i la kan sawi sual awm lo e. AASHTO Soil Classification system tihian a sawi Range A-1(best soil) to A-8 (worst soil). Tin Group Index a zirin tihian a then hrang leh a ni “Group index values near 0 indicate good soils, while values of 20 or more indicate very poor soils. However, a soil that may be "good" for use as a highway subgrade might be "very poor" for other purposes, and vice versa”. Tin, IRC(Indian Roads Congress) an in nawlpui a vangin kan hriat pawlh loh turah ngai ang.

Awle, Group Index leh a tlangpui chu kan sawi tawh a, tunah a mainpoint ah i lut tawh ang hmiang..

Khing a chung a kan sawi zawng zawng khi ti chiang tur leh an design dan kan hriatfiah theih zawk nan example nen ka sawi dawn a ni

Pavement(kawng) kan design reng reng hian, kan kawng design a kal tur zawng zawng kan hriat hmasat ber a ngai a, chung zingah chuan a common leh hmang nasa ber motor(vehicle) kan hmang dawn a ni. 

"Traffic volume is classified in three categories as Light, Medium and Heavy. When nos. of vehicles per day is less than 50, this is light traffic, greater then 50 and less than 300 is medium and greater than 300 is classified as heavy traffic"

Nitin a commercial vehicle 300 chuang kalna kawng i han design dawn teh ang hmiang. He kawng design tur a i mawmawh ber chu kawng i design na hmun tur a lei kha a ni, kha lei kha i la a nga, chung lei te chu a properties chiang tak a i hriat hnuah, a hnuai a reading kan neih  soil kan test atang khan a lo chhuak dawn a ni.

Soil portion passing 0.074mm seive, percent=50

Liquid Limit, percent =40

Plastic Limit, percent =20

Khing value pathum kan neih te khi Group Index Formula ah khan dahlut ta i la

GI = 0.2a + 0.005 a.c. + 0.01b.d

where,

a= percentage of soil passing 0.074 mm sieve in excess of 35 percent, not exceeding 75.

b= percentage of soil passing 0.074 mm sieve in excess of 15 percent, not exceeding 55.

c= Liquid limit in percent in excess of 40.

d= Plasticity index in excess of 10.

Kan value hmuh chhuah chu 6.57 a ni (G.I.= 6.57)

Kan value hmuh hi 6.75 a ni a AASHTO dan ah chuan soil chhe tak chu a ni lo a ni

  

Group Index value leh Graph kan neih atang Pavement thickness chu awlsam te in kan zawng thei tawh dawn ni.

A hnuai a Photo a ka dah graph hi ngun takin en ta i la

Group Index of Subgrade= 6.57,  Combine Thickness =47cm (For Heavy Vehicle)

Chutiang zelin Surface Thickness= 4 cm

Base= 26 cm

Sub base =17 cm kan nei thei ta a ni.

A chung a kan thil tih neuh neuh a zir leh soil properties a zir in Pavement thickness te hi an lo design zawk thin a ni.

Group Index Method hi empirical method pakhat ve mai a ni a, next ah chuan CBR( California Bearing Ratio) hmang a design dan kan zir leh dawn nia.

I hlawkpui ngei ka beisei..

Group Index Method of Pavement Design

Group Index method of flexible pavement design is an empirical method which is based on the physical properties of the soil sub-grade.  To design the thickness of the pavement you have to go through the following steps:

1. Find out the Group Index Value(GI) of the soil.

1. Use the design charts to find out the thickness of the pavement and layers.

Finding GI Value : Now let's discuss Group Index(GI) first. Group Index is a number assigned to the soil based on its physical properties like particle size, Liquid limit and plastic limit. It varies from a value of 0 to 20, lower the value higher is the quality of the sub-grade and greater the value, poor is the sub-grade.

To find out the value of GI we, can either use the following equation, or we can use the charts

GI = 0.2a + 0.005 a.c. + 0.01b.d

where,

a= percentage of soil passing 0.074 mm sieve in excess of 35 percent, not exceeding 75.

b= percentage of soil passing 0.074 mm sieve in excess of 15 percent, not exceeding 55.

c= Liquid limit in percent in excess of 40.

d= Plasticity index in excess of 10.

The second method to find out the GI value is to use two charts whose numerical values added together to get the GI value.

Using design charts to find the thickness: 

Once the GI value is found next we can use the design charts given by IRC(Indian Roads Congress) to find out the thickness of the pavement and its thickness of various layers. Charts are prepared based on the GI value and one can find the thickness of the pavement to be designed for different traffic volume. 

Traffic volume is classified in three categories as Light, Medium and Heavy. When nos. of vehicles per day is less than 50, this is light traffic, greater then 50 and less than 300 is medium and greater than 300 is classified as heavy traffic. 

You have follow the corresponding curve for the given traffic and for the one among the three different curves you can find the total value of the thickness of the pavement. Then there are two other curves, one to find out the thickness of the sub-base and one to find the thickness of the base course.

Limitation of Group Index method: Limitation of this method is that this is based only on the physical properties of the soil and does not consider the strength parameters.

 

National Highway – 1

Vawin ka class kal chu chhan leh vang awm lo in ka hlim ru riau mai, zing ka thawh atangin class kal chu ka phur em em a, ka phur ang teh huau chuan class chu eng a ni dawn loh tih hre mah i la hlim tak chuan ka kal ta tho a. Nidang ang bawkin ka thian nitin a ka hmuh leh ka kawm ngaih em em te chu ka hmu leh a, tichuan lecture te a zawh meuh chuan tlai hawn hun a lo ni leh ta reng mai a.
Nitin hian keimahin ka kal a, keimah vekin ka haw leh tlangpui a, mahse vawin chu ka mal bik hauh lo, ka ngaihtuahna nen chuan kan haw dun ta a. Bus seat hnunglam tukverh bulah chuan ka thu a, ka thutna chu tlai ni tla tur chuan a lo chhun pha chiah chiah bawk a, kan thut fel vek hnu chuan bus chu a tlan chhuak ta.
National Highway number one a tlan tih takah kawng chu a nuam em em a, kawngkual te chu superelevation mumal tak a design tih hrilhnawn leh ngailo khawpin kawng kual lai ah te pawh chuan thle eih loh hian kan tleng zar zar a, kawng dum phei ut te chu alkattra tha ber ber an hmang emaw tih mai tur hian a mam in hmuh a nuam a, kawngpui dung a thil pawng lo awm ‘camber’ te chu motor tlan ti bahlah eih lo in kawng a ruahtui lo tla tuihawk te chu kawngsir a side drain ah chuan a hnawl zaih zaih a. Six way lane a ni bawk a, motor changkang leh mawi tak tak nen kan in tlanpel nawk nawk a, chung kawng mam tha tak tak te chuan rual awh hi a tina ve em em ringawt a.
Chutia kawng nuam leh rualrem taka kan tlan lai chuan ka thian ka ngaihtuahna chuan thil dangah min thlek san daih a, eng vang a Rigid Pavement hmang lo a Flexible Pavement hmang zawk ta tlat nge an nih tih zawhna te chuan hmun a chang tawh lo, ka thian ka ngaihtuahna in thil dangah a rilru min lo pek san daih vang pawh a ni a nge !...Tichuan tihian thil dang dang kan ngaihtuah dun ta a….
The Flash – Flash chu ni i la kan han ti ve ve a. Ka duhdan kan duang hma sa a. Speed of Light ai a chak meuh a ka tlan theih dawn avangin flash nih chu ka lo phur em em ringawt a, ka thil tih tur te ka ngaihtuah chuan ka rilru a lo lang hmasa ber chu ka thiannu a ni daih thung. Chhak leh thlang a awm kan nih avangin kan awm na hi a in hlat ang reng a, lo in ngaihzawn ve takah chuan hmuh te hi a chakawm ve em em a, flash chu ni ta i la ka va tlan zawk ang a, ka va hmu a nga, a thil duh zawngte ei in pui in, a hma ah ngei ka ngaihthu te ka hrilh ve thei anga tih te ka ngaihtuah pek a…Chu mai ni lo ka tlan chah na chuan hun kal tawh a tlan let leh theihna min neih tir a, ka ngaih em em chhungkaw hlim tak leh kim taka kan awm ho lai chu min ngaihtuah tir a, chu hun a tlan let theih dan te chu ngaihtuahin chhungkaw kim leh hlim taka awm ka thlak hlel zia te chu min hriat nawn tir a. Mahse flash a a ang em a tlan chak tur chuan exercise tak ngial pawh ka la peih si lo a, tichuan Spiderman ah ka tla thla ta a.
Spiderman- He pa hi chu a lar em avangin naupang te ber thlengin hre lo kan awm lo ang tih mai tur a ni. Mizo tawng a awm mai loh avangin Tangtial man kan han ti thla ve rawk a, Spiderman lo ni ta i la, ka hlauh ber pakhat chu Mizo hoin “Tangtialman-a” tihin min ko ang tih hi a ni, ka ni dawn chuanglo tih kan in hriatchian em avangin hlauhna chhe te mah nei lo in ka ngaihtuahna nen chuan kan in la spider man em ta ringawt a. Mahse spider man nih chu a lo hautak dawn khawp mai, India chuan building chhawng sang tak tak Dubai te ang in kan nei ve lo a, ka awmna ah ngat phei chuan building chhawng sang chu beisei ngam chi pawh a ni lo, water table a hniam a, building rit tak phur zo tur chuan sum neih ten tawn a design leh sak a ngai ngei ang, Earthquake resistance structure duang tur ringawt pawn engineer sum tam tak a rawih a ngai si, mahse chu chuan spider man ka nih chakna chu a la ti reh chuanglo, ril ka nei ngei anga, ka room ah kan kap kual vel anga tih ngaihtuahna te chuan nih min chak tir zual a. In khai kual na tur in chhawng sang a awm miau loh avang leh ka chak vak bawk si loh avangin misual man tu atan chuan ka tlak dawn lo chiang sa a, khawi lam kawm kar a lo in khai kual vel chu ka tih theih tawk ni ber dawn hian ka hria a, chu lah ka peih bawk si lo !....Tichuan tihian ka ngaihtuah ta a, kan ram hian engineer tha tak tak te chher chhuakin in chhawng sang pui pui ram chhei thei khawp tur te sa ve ta se, foreign tourist te hian kan ram hi chawlh nan lo hmang ve se tih te thlengin spiderman ka nih chakna chuan min ngaihtuah tir a. Spiderman ni tur chuan maimawm in seh tir kher a ngai si a, maimawm in seh tir mai tur ka hmuh loh avang chuan 'keimah' hi ni ta i la tiin kan ngaihtuah leh a…
Keimah – Keimah hi chu Flash angin ka tlan chak lo a, spider man ang in ril ka kap chhuak thei hek lo, keimah ka in ngaihtuah hma hauh a ka nih chak ka ngaihtuah hmasat te chuan eng mi nge ka ni tih min hriat chhuah tir a, tichuan eng thil nge ka tih ve theih a, eng dinhmun ah nge ka din tih chu ka ngaihtuah ve leh nuah nuah a. A hming a lehkha zir mi ka nihna chuan super power nei ve hial a in hriatna ka nei ta a, kan super power neih dan erawh an in perhsan leh daih lawi si..Zirna chuan kan ram hmalam hun min thlir tir a, ka thlir chin erawh Nu leh Pa sum hmanga nung ka la nih avangin a tawi tut tung, mahse ti pah chuan ka harh zawk a...
Kan lo tlan rei deuh tawh a ni nge Bus chu ka chhuk na tur ah chuan a ding ta a, ka ngaihtuahna pawh chuan min kalsan a, tichuan engmah ngaihtuah lek lo in kan in lam chu ka pan ta hna hna a.
He thu ka ziak mek lai hian ram ang zawnga rual awhna chuan ka rilru a luah khat em em a, ka super power neih ve chhun chu tah hriam a ngai takzet tih ka hriat avangin ka dawh kan a LEHKHA BU chu ka la a, ka chhiar ta mawlh mawlh a, ka rilru ah a luh leh luh loh phei chu ka hre chuang hlei lo a………………..!

Mihring hmangaihna

Hringnun hi a mak ka ti, mahni in hmangaih luat avangin nat chang a awm a, mi hmangaih luat avangin nat chang a awm bawk a. Kan mi hmangaih loh te pawh kan hmangaih emaw kan tih chang a tam thin, hei hian hmangaihna mak zia leh hringnun a thlak danglam theih zia a ti lang chiangin ka hria.

Hringnun thawnthu la chang mai tur leh ni mek zel hi engtia chhiar a dahthat tur nge ni ti a ka ngaihtuah mek laiin ka nun ah hmeichhe pakhat a rawn lut a, ka hmangaih emaw ka ti hman!, ka rilru zawng zawng ka pe a, ka ngaihtuah ang hian min ngaihtuah ve angem tih erawh ka hre hauh lo, mahse keimah a hmangaihna  chuan a ngai a, a chhun a zanin a ngaihtuah a ni. Chu ngaihtuah na mak leh  hmangaih emaw ka in tihna chuan rilru dang dang min put tir a, a chang leh thinrimna, a chang leh lunglenna, a chang leh mal ngawih ngawih a in hriat na, chung zawng zawng chu min pe a, mihring hlim tak leh lawm tak a awm thin kha hmangaihna avangin mahni leh mahni ka in hrem a ni ber.

Tichuan chung hmangaihna avanga tawrhna te chuan mahni in hmangaihna a hring a, lunglenna, mal ngawih ngawih ang a in ngaihna te chu kalbosan ka tum a, chu tah pawh hmangaih na avangin ka la tuar hram a nih chu!..Hlimna chu hmangaihna tello in ka zawng a, ka hmu leh chuang si lo, ka hlimna hmuh chhun te chuan rei a daih lo a, a tawp ah chuan angai te ang bawkin an rawn kir leh dial dial emaw tih mai tur hian an in tlarlh leh put a, thil pakhat erawh zir chhuah ka nei, chu  chu nulat tlangval hmangaihna ah lo chauh pawh hlimna awm a ni tih leh, mi ka vei em em ka hmangaih maw ka tih, ka hmangaih leh hmangaih loh pawh ka chian loh, lunglenna hremhmun a min dah tu laka ata tlanchhuah dan chu, chu chu thli ho te, thil ho te tih a ni mai. Tichuan tihian ka ngaihtuah ta a, Hmangaihna hi enge maw a nih a, min tihlim in min ti nui a, min tah tir leh bawk si a, tiin.