Khawhar

September 16, 2013 at 4:46pm

Ka hma a Darthlang lian tak chu en in ka ding a,khawvel a thil mawi ber chu ni lo mahse ka mit chu ka la sawn thei tlat lo mai,mahni leh mahni in en reng chu tiin ka rilru chuan mak chu ka ti ve deuh..He mi ni(16 sept) hian ka thian te class an kal vek avangin keimah in inah ka awm a, a reh in lung a leng duh khawp mai. Chhun a ni a ruah a sur a, boruak pawh a dai nuam khawp mai. Chutia suangtuahna nen hun ka hman mek lai chuan engtik laiin nge "khawharna" chu ka thiantha ber a lo nih reng ka lo hre lo a, khawharna nen chuan kan lo inkawm tawh reng chu lo ni in..Ruah chu a sur tam telh telh a, thil hriat chhuah ka nei ta tlat mai "Ruah a sur apiangin min lo hre chhuak thin dawn nia " he thu hi ka beng ah chuan a rawn ri nawn tlut tlut a,second liamhnu a thausawi ang maiin ka rilru ah chuan a rawn thar tha leh a, a dik a lawm ruahsur chuan ka lung a ti leng em em ringawt mai a ni.
Hla nalh tak tak ka ngai thla a, a thluk nalh tihvang ringawt a ngaithla thin khan, a thluk ringawt chuan min hnem zo tawh meuh lo..Lunglenna chu theih tawp a kal bo pui ka tum a..Lunglenna te chu riltam vang mai mai a lawm an ti kha maw tiin ka han in eipuar a, tlem a zawng chuan min hnem ve deuh, mahse ka hla play lai chu ringvak si lo zawi chuang miah si lo hian a lo ri keuh keuh a,
"I love this place
But it's haunted without you
My tired heart
Is beating so slow" Amanda Seyfried hla sak ngei mai chu lo ni in!!!!...a hla awmzia leh a sawi tum chu hre thlip thlap lo mah i la,ka lo tuipui ve em em a...Adik a alawm he ka thinlung hi ka hmangaih a ni, mahse a mah chauh chuan chau a,a mal a, tawp si lo in a phu ve det det chauh a ni.
Sava hram ri te(choak hram ri chu ni lo in),rannung hram ri neuh neuh te chuan ka lung a ti leng ang tih ka ring pha ngai lo, mahse ka lung an ti lengin hmun khat atang chuan an lo chiar ve nuah nuah bawk si…Hmasang Lianchhiar hmeltha aw ka dem lo che…..
Tih tur tam tak nei siin,tihtur nei lo ang zia zangin ka hun hman chu ka chhun zawm zel a,chutia lungleng taka ka awm lai chuan ka phone a rawn ri ta tlat mai, phur hmel em em in ka han la a,nuih tur nge tum bur tur pawh ka hre lo, Company ngei mai chuan mi duhsak ber ni awm fahran in ka ngaihthlak leh thak loh pawh ngaihsak lo chuan a sawi tur chu a sawi zawm zar zar a, a sawi zawh pawh nghak lem lo chuan ka phone chu ka dah ta a...a luck theih khawp mai…hehe..Rilru te chuan miin min lo call se tiin,ka phone te chu ka in chhawp ve run a...rei vak lo tih ah chuan message chu ka dawng leh a, a thu te chu atha em em hian ka hria, hrethiam ila chuan thlum ka ti ngawt ang.
Hmangaihna hi awmzia sawi tur hre miah si lo in amah(***) ah chuan ka hmu chiang em em mai a, hlim takin min siam a khawvel a mi hlim ber a min siam chang pawh a tam, mahse hmangaihna vek chuan lunglenna ruam ah min hruai luh chang pawh a tam.Ka thianpa in "Thlawk sang lutuk suh, mi te thlawh rualin thlawk ve mai rawh, i tlak palh chuan i na bik lutuk ang" tiin min hrilh a ngaihtuahna a ti thui khawp mai, mahse engtia na nge a nih chu tun thlengin ka la hrelo a, hriat pawh ka duh lem lo...
Kan chenna hi chu khawvel a ni miau a lawm le..Keimah ka in hmangaih em avangin ka hmangaih a,keimah ka in hmangaih ang bawkin a ni pawh ka hmangaih…
Tlai lam a lo ni tawh reng mai a,tlai ni tla tur chu a van mawi em,kawl kil sen thiam te chuan lung an ti leng a lawm le…
KA THIANPA IN A TI…..