Lonely Weekend

April 6, 2014 at 1:29pm

              Zing a lo ni a, ka han tho chuak chu Sunday zing a lo ni reng mai..Ka thianpa chu kan inah a lo riak tih reng ka hre lo a..a mutna lam ka va pan phei chuan a ni pawh chu a lo harh tawh a...Guitar chu lo thai ri keuh keuh in hla a lo sa mawlh mawlh a...eng hla nge a sak chu aw tih a ka ngaihthlak mek lai chuan "These seven days make a lonely weekend" tih niawm tak chu ka hre ta tlat mai...."Lonely weekend" tih lai tak chuan ka rilru a khawihin ka lungte pawh a ti chhe lek lek a..Nitin hah takin kan thiltih lai threuh ah kan buai a, tupawhin weekend hi chu kan nghakhlel a ni...
           Sunday zing a lo thlen hi chuan a rehin mipui veivak hmuh tur an vang em em a..lunglen mi tan phei chuan a khawhar thlak in sunagtuahna ramah min hruai lut vat zel thin...chutia hun ka hman mek lai chuan ka suangtuahna chu a vakvel nasa em em a...ka tum loh ram ah min hruai lai reng ka hre hman lo. Kan naupan lai chuan Sunday zing a lo nih hian kawrmawi leh thar hak  thur nghak hlelin kan phusa chiam thin..kan rilru a thianghlim in inkhawmte nuam kan ti  em em a, amaherawh chu inkhawm lai hian kan hlei thei em em thung..
           Chutia hun kan hman mek lai chuan thing delh loh lungdelh loh tih takah kan lo puitlingin kan lo seilian ve zel a, tleirawlte hre traniin a hma(naupang lai) ang ngawt kha chu a ni thei ta der lo mai. Kan mit chuan khawvel danga mihring lo awm tur chu thlirin nitin a melh a, tha a tih zawng leh a duh zawngte chu a rilruin duhthu a sam mawlh mawlh thin..Chutia duthu ka lo sam ve mek lai chuan ka suangtuahna thlak danglam turin mi pakhat a rawn lut ta tlat mai, chu mi pakhat te mai chuan ka rilru a chawk buaiin ka nun a thlak danglam a, rilru hlim tak siin hlim lohna riau nei tlat hian ka awm thin.Ka suangtuahna leh duhdan techuan thil engkim hi ni in awm vek dawn se khawvel hi ka ta emaw ka tih mai ka ring...mahse khawvel a ni miau a, kan duh dan leh suangtuah  loh dan ang ang hian thil hi a thleng zawk emaw chu ti chang te a tam thin..
          Ka phu lo nge min phu lo, chu chu mihring duhthlanna a ni..Hmangaihna chuan a huam zau em em a...amaherawhchu he miphakhat(?) hi ka hmangaih ka ti hauh lo..mahse ka hmangaih thei a ni tih chu ka chiang em em thung!!...Vawikhat chu facbook kalkawng thui tak ka zawh naah "see more" tih lo awm chu ka kut a awm khawl thil ti thei tak chuan kan han click a, chuta thu in ziak ka hmuh chuan awmzia a nei thui hlein ka hria "Mi nunah hian engtiang taka pawimawh nge ka nih, chan hlau ngawih ngawih a min duhtu hi an awm ve angem le?" he thu mai te hi a ni..a zawhna hote chu tha ka tih em avangin comment chu ka han chhiar thla dun dun a, chutah mipakhat chuan "Kan hmangaihin duhin chan hlau hle mahila, kan mi hmangaihte nunah hmun kan chan ve chuang loh chuan awmzia a nei thui vak lo, mahse Hmangaihna ropui tak avang zawkin a rukin chan ka hlau a, ka nunah hian a hming ringawt pawn awmzia a nei em em a ni " tihin zawhna tawite chu a chhang a..
        Chutia facebook leh thil dang neuh neuh ka chhir nuah nuah lai chuan ka hla play reng ka lo hre chang tawh lo a, mahse hla chu ka play mek ngei a ni, ka hla paly chuan ngaithlatu neilo inthlahrun hmel zetin tihian a lo chham nuah nuah a
          "I can love you like that
           I will make you my world
           Move heaven and earth
           If you were my girl
           I would give you my heart
           Be all that you need
           Show you you're everything
           That's precious to me
           If you give me a chance
           I can love you like that"
ka han ngaithla chiang chu a thu a tha in a va han nalh em, ka hla play riangtak ngaithla tu nei lo ang mai a rawn phun nuah nuah nen chuan kan kawm ta a...Adik a lawm kan hmangaih leh duhtak te chu engmi pawh ni se an tan kan inhuamin kan in phal em em a, ka thil tihtheih loh tur pawh tithei a in ngaih chang a awm thin..an tan chan chuan siar lak hial pawh kan huam a nih kha maw!!..           Sunday tlai a lo ni a, tlai ni tla tur sen thruam chuan mawi tawk chauhin tlang a thinghnah te chu a chhun eng siau siau a, hmangaih leh ngaih lai 'D' nei tan chuan a va mawi in lung a va ti leng si em..chutia tlai ni tla tur chu tlir reng chung a hun ka hman mek lai chuan kan nghahhlel em em Lonely weekend chu a lo zo dawn ta reng mai......
         Ka thianpa chuan chu a Guitar chelh lai chu a tawk chauha ring leh mawi takin a han thai ri leh a, chutah a aw mawi tak chuan " These seven days make a lonely weekend " tih tak mai chu a han chham kur leh duah duah a...
      Tichuan Lonely weekend chu nuam ti tak siin suangtuahna nen hmanlaia changmai turin a ral ve leh ta mai a!!